Кыргыз Республикасынын бардык көмүртектерге бай аймактарында мунай жана газды чалгындоо жана өндүрүү боюнча адистешкен мунай жана газ өндүрүүчү компания.
«КНГ» ААКнын негизги акционери болуп мамлекет жана мамлекеттик мүлктү башкаруу фонду саналат.
Азыркы учурда ишкана Кыргыз Республикасынын Жалал-Абад жана Баткен облустарында казып алуу иштерин жүргүзүүдө, башка ачылган кендерди өздөштүрүү менен алектенүүдө, өлкөнүн нефть жана газга бай аймактарында геологиялык чалгындоо иштерин жүргүзүп, өзүнүн ресурстук потенциалын жогорулатуу жана углеводороддорду казып алуу көлөмүн көбөйтүү максатында иш алып барууда.
Иштеп жаткан кендер менен катар “КЫРГЫЗНЕФТЕГАЗ” ААК жаңы активдерди өздөштүрүүгө даярдык иштерин жүргүзүүдө. Бул компанияга жакынкы келечекте да, узак мөөнөттүү келечекте да өсүү мүмкүнчүлүктөрүн ишке ашырууга шарт түзөт.
Кыргыз Республикасында «Кыргызнефтегаз» ААК геологиялык чалгындоо, өндүрүү, мунай менен газды кардарларга сатууга чейинки бардык этаптарды басып өткөн жалгыз ишкана болуп эсептелет. Бул ишкана Кыргызстандын түштүгүндө Кочкор-Ата шаарында жайгашкан.
Акыркы 10 жылда «Кыргызнефтегаз» ААК жылына 70 миң тоннага жакын мунай өндүргөн. Сейрек жылдарда план аткарылбай, темендеп кеткен учурлар болгон. Эгемендүүлүктүн 30 жылдык тарыхында “Кыргызнефтегаз” ААК акыркы 3 жылда чыныгы ийгиликтерге жетишти.
Бүгүнкү күндө бардык көрсөткүчтөр оң тенденцияларды көрсөтүп жатат, бургулоо, казып алуу жана кайра иштетүү боюнча көрсөткүчтөр өсүүдө.