Технологиялык транспорт башкармалыгы.
Технологиялык транспорт башкармалыгы “Кыргызнефтегаз” ачык акционердик коомунун негизги бөлүгүнүн бири жана өзүнүн өнүгүү, жашоо тарыхына бай. Айта кетсек, 1953-жылы январь айында Кыргызстандын аймагында жайгашкан “Избаскент”, “Көк-Таш”, “Чаңгыр-Таш”, “Палван-Таш” нефть өндүрүү промыслдер жана №9,10,11,12-автогараждары “Средазнефть” өндүрүштүк бирикмесинен “Кыргызнефть” нефть өндүрүүчү башкармалыгы болуп бөлүнүп чыгып жана анын ичинде автотрактордук контора түзүлгөн.
1970-жылдын ноябрь айынан тартып “Кыргызнефть” нефть жана газ өндүрүүчү башкармалыктын АТКсы (авто-трактордук колоннасы) болуп эсептелет. 1975-жылы октябрь айынан баштап, өндүрүлгөн нефтинин көлөмү, техникалардын жана жумушчулардын саны көбөйгөндүгүнө байланыштуу, “Кыргызнефть” өндүрүштүк бирикмесинин технологиялык транспорт башкармалыгы (ТТБ) болуп аталат. 1997-жылы январь айынан “Кыргызнефтегаз” акционердик коомунун технологиялык транспорт башкармасы болуп түзүлөт.
Технологиялык транспорт башкармалыгында 504 адам эмгектенет. Анын ичинде 65 жетекчи жана адистер, 439у жумушчулар. Бүгүнкү күндө башкармалыктын карамагында 261 даана техника бар Алар: адам ташуучу, жүк ташуучу, атайын техникалар, тракторлордун түрлөрү жана жеңил автоунаалардан турат.
ТТБнын негизги өндүрүштүк кызмат иши “Кыргызнефтегаз” ачык акционердик коомунун бардык ишканаларынын, нефть жана газ өндүрүүчү башкармалыгынын (НГӨБ), бургулоо иштер башкармалыгынын (УБР) жана башка структуралык бөлүмдөрүнүн буюртмаларын технологиялык жана атайын техникалар менен убагында толук камсыз кылууга багытталган.
Техникалардын стабилдүү иштөөсү үчүн ТТБда 2 нөөмөт менен оңдоо иштери уюштурулган, себеби техникалардын толук кандуу иштөөсү нефть жана газ өндүрүүнүн көлөмүнө түздөн-түз таасирин тийгизет. Технологиялык транспорт башкармалыгы №1,2,3-трактордук, Сузак районунда жайгашкан “Чаңгыр-Таш”, Баткен облусуна караштуу Лейлек районундагы “Арка” автоколонналарын камтыйт.