Заводдун модернизацияланышын “Кыргызнефтегаз” ААКнун башкармалыгынын төрагасы Н.Нишановдун катуу көзөмөлү астында белгиленген мөөнөтүндө сапаттуу бүткөрүү боюнча жумуштар алып барылууда.

Эске салсак, Президент Садыр Жапаров Жалал-Абадда мунайды кайра иштетүүчү «Кыргыз Петролеум Компани» заводун модернизациялоого “мезгил кутусун” салган болчу.

Ал завод модернизациялангандан кийин Евразиялык экономикалык биримдиктин стандарттарына жооп берген жогорку сапаттагы отун түрлөрүн чыгарып баштайт.

Модернизациянын натыйжасында АИ-92 жана АИ-95 маркасындагы бензиндин өндүрүшү 12 эседен ашык көбөйөт, ошондой эле дизель отунунун өндүрүшү 40% га көбөйөрү күтүлүүдө.  Мунайды кайра иштетүүчү заводдун модернизациясы аяктап, жаңыланган завод ишке кирери менен өлкө экономикасына чоң салым кошкон стратегиялык обьектилердин катарын толуктайт.